宮葉 パフェ (已結業)

最近同朋友去食甜品，有一間睇落幾抵食，不如就試一試佢。 裏面裝修幾靚，非常企理。  寒天綠茶奶凍$38 令人諗翻起之前去日本玩，有一啲類似糯米糍嘅嘢，好有咬口。甜甜地非常吸引。而且呢個有三種顏色，雖然味道相似但係影相同埋就咁睇都好靚嘅！隔離嘅拉動表面就有紅豆，整到好林同埋已經好甜，最低嗰層原來係寒天，好似大菜糕咁，冇咩味小清新。 士多啤梨雲呢拿雪糕芭菲＄48 呢個就最得意，雖然只係＄48 ,上面有一隻整到熊貓咁嘅雪糕，要來打卡就最啱。 雲呢拿雪糕質素唔差，裏面仲有好多士多啤梨同埋芒果忌廉等等，下面仲有啲好爽口一粒粒嘅嘢，配搭豐富值得一試。