露台餐廳

营业中

休息中

家中有成員生日，因為識得朋友所以訂咗半島食自助餐，透過朋友可以訂到窗口位丶近自助餐位，景色真係冇得彈。當日是揸車到半島酒店，到達酒店門口，已經有職員幫我代泊車，光顧中午自助餐滿$1200 ，可享有免費兩小時免費泊車，都係果句，泊位滿即止。當日我12點半食到三點半，職員好好人幫我免費extend多一個鐘。基本上食物款式不多，都係壽司魚生丶沙律丶扒類丶Ham丶中式及泰式菜，中式菜有鮑魚丶原隻帶殼元貝，但平均每款菜式的質素都是一般，但想不到現在的酒店自助餐質素不是有很大驚喜，不會覺得好好食，甜品反而比較有驚喜，特別地半島酒店自製的雪糕，特別是原味雲呢拿，可以見到好多雲呢拿籽，仲有其他特別的咖啡味等等。最後結論係，以原價加一接近$500一位的價格，價錢都幾貴，不過環境及服務加番晒分，嚟到呢啲地方，都係食Service同環境，如果大家未嚟過嘅話，都可以試一次，但係一次都夠。