屋子生活 (已結業)

相信大家對屋子cafe一啲都唔陌生大圍有兩間分店，馬鞍山烏溪沙都有一間。筆者就3間都試過，坐得最舒服都係烏溪沙呢間。樓底極高，台同台之間有足夠空間同距離，講嘢唔使細細聲，就住就住。疫症期間都好貼心，會每一桌送消毒酒精。——————————叫左3個dinner，本來想叫芝士年糕，但落單時一時大意忘記咗，點知驚喜就出現啦！食到一半佢送咗一碟芝士年糕！！🥰🥰🥰會唔會太開心啊！個人最滿意呢碟芝士年糕，味道鹹鹹地，煙煙韌韌有咬口！天婦羅冷烏冬：味道偏清淡，夏日食好解暑牛油果🥑奶昔：可能係摩洛哥飲過暫時覺得最好味的牛油果奶昔，又smooth又重牛油果味，所以覺得呢杯相對上麻麻地，價錢都有少少貴。饅魚飯：不過不失，價錢與味道相符😇想食到好味的鰻魚飯可以去返日式餐廳豬軟骨湯拉麵：豬軟骨夠淋，但朋友表示太淡，可以重味dd—————————-總括而言，覺得整體性價比都高，因為成晚都坐左好耐，好舒服，環境好寧靜。適合傾偈。