影片
更多
2018-11-19
981 浏览
之前訂好座，準時晚上6:30到達！環境舒適，座位又夠晒大，枱上準備好圍裙怕你食完成身味或者怕食到污糟！服務員即刻幫你安排位置，幫你沖埋茶☕️亦不斷叫你order定湯底同提你醬油區嘅位置！醬油區有兩邊，整齊排好。牆上教你調配唔同風味嘅混醬，除左常見嘅辣椒蔥芫茜之外，仲有少見嘅白芝麻、腐乳醬、蠔油同陳醋，都幾特別！我地揀左個半鍋沙嗲同半鍋小麻辣，本身想揀中辣，服務員話小辣都好辣，就聽左佢意見，不過小辣唔夠辣，唔夠過癮叫左細嘅極尚牛肉拼盤，有三款牛（霜降牛肉粒、澳洲和牛小排同美國雪花肥牛）每款得4至6塊，用好多冰凍住上，突顯佢矜貴有氣派！其實啲牛真係幾好食，尤其是和牛小排，脂肪少而牛味濃郁不過真係貴，平均每塊$25😳另外叫左個香菇貢丸同流心芝士丸，貢丸唔錯好juicy，但芝士丸同我地平時食嘅好唔同，似係空心炸魚蛋注入黃色液體，老老實實，麻麻地同完全無芝士味，無一路食一路有芝士黏住，但我地一路食就一路覺得佢上錯貨兩個人叫左少少嘢都$800+落樓，好大part係食環境食氣派食服務，叫做試過新舖，值唔值就見仁見智喇！但佢絕對係屈人請食飯好去處！
之前訂好座，準時晚上6:30到達！環境舒適，座位又夠晒大，枱上準備好圍裙怕你食完成身味或者怕食到污糟！服務員即刻幫你安排位置，幫你沖埋茶☕️亦不斷叫你order定湯底同提你醬油區嘅位置！
醬油區有兩邊，整齊排好。牆上教你調配唔同風味嘅混醬，除左常見嘅辣椒蔥芫茜之外，仲有少見嘅白芝麻、腐乳醬、蠔油同陳醋，都幾特別！
我地揀左個半鍋沙嗲同半鍋小麻辣，本身想揀中辣，服務員話小辣都好辣，就聽左佢意見，不過小辣唔夠辣，唔夠過癮
叫左細嘅極尚牛肉拼盤，有三款牛（霜降牛肉粒、澳洲和牛小排同美國雪花肥牛）每款得4至6塊，用好多冰凍住上，突顯佢矜貴有氣派！其實啲牛真係幾好食，尤其是和牛小排，脂肪少而牛味濃郁不過真係貴，平均每塊$25😳
另外叫左個香菇貢丸同流心芝士丸，貢丸唔錯好juicy，但芝士丸同我地平時食嘅好唔同，似係空心炸魚蛋注入黃色液體，老老實實，麻麻地同完全無芝士味，無一路食一路有芝士黏住，但我地一路食就一路覺得佢上錯貨
兩個人叫左少少嘢都$800+落樓，好大part係食環境食氣派食服務，叫做試過新舖，值唔值就見仁見智喇！但佢絕對係屈人請食飯好去處！
张贴
