松記糖水店 (已搬遷) 新店位置

食完金山，點都要過埋對面嘅松記整番碗糖水嘅！同枱老友穩陣派，食番平時多數食個D，好似什果西米、豆腐紫米露，我就鍾意次次嚟次次試唔同嘢，貪新鮮之餘，起碼知道好唔好食。今趟點咗個芒果琉璃（$19），睇樣好似西米，食落口感又唔同，西米就煙韌少少、有「趙」頭、有咬口；而琉璃珠就冧身D、滑嘟嘟，問阿姐係乜，佢話係用蒟蒻粉做。大大碗份量，芒果肉又大大件，椰奶同芒果漿另上，食得過！