星‧68 (已結業)

四個人嚟新餐廳食lunch. 見佢個四人餐好似吸引就諗住試吓。 一嚟就有個伙記放底咗碟魚仔前菜， 我哋未嗌野喎😓。。 之後叫返佢返嚟問。。佢先話，如果你唔要可以免嘅。。啫係話唔問就先屈咗你一碟先。。 之後嗌了個四人餐。。佢每碟上得都勁快， 搞到成張檯無晒位放野食。我哋以為去咗茶記嘅efficiency 令到有兩碟餸最後凍晒。 埋單先最嬲。。發現原來佢送錯（多）咗一籠點心， 餐廳嘅處理手法係唔同你講就先靜雞雞加咗落張單度。 我明白我真係食咗，要俾錢好正常。 不過當你發現咗，無同個客交代清楚就自己加落單我覺得好有問題。 雖然食物價錢算ok ,不過在座四位都應該唔會再幫襯。 no next time...