香港朗廷酒店旭日閣 (已結業)

尋日下晝响尖沙咀間DUTY FREE買完嘢六點幾，想搵D好嘢食，於是我哋兩個女仔就去左响樓上間朗廷酒店諗住食BUFFET。佢哋食BUFFET間餐廳叫旭日閣，老實講個名就LEUNG左D，格局都唔算吸引，但當我哋行入去既時候，個RECEPTIONIST就好好笑容同好細心咁同我哋講如果覺得冷氣凍可以關細D，甘貼身既服務態度真係值得一讚！！望落去食物既種類唔算多，但我一向都注重QUALITY多過QUANTITY。最印象深刻既係冷盤，日式泰式意式西式款款都有，連凍蟹都有！仲有我最愛既CHEESE同CRACKERS(多款)，今次我真係可以大飽口福！跟住講熱盤，款式都OK，最鐘意係個中式老火靚湯，同屋企阿媽煲既有得FIGHT﹗女仔十個有九個都會注重甜品，今次我哋真係無失望。甜品種類真係多，味道好，PRESENTATION夠吸引而細細件可以樣樣試過足口癮。推介係APPLE CRUMBLE同CHOCOLATE CAKE，中式楊枝甘露都唔錯。總括呢餐BUFFET算抵食，侍應D笑容同體貼服務真係要加分﹗