影片
更多
2020-09-06
974 浏览
呢日老公早收工，諗住食個早晚餐，早d食費事咁夜返屋企，諗唔到食咩，沿路經過牧羊少年，之前都有喺太子店食過，覺得ok,今晚就再encore啦！我地大概下午5:15分黎到，仲有提供午餐餐牌到5:30，所以我地就叫左2個lunch set,再加2款小食（一個菜，一個雞翼）午餐應該包左沙律/餐湯二選一，不過侍應話餐湯賣哂，所以就無得揀喇另外包左餐飲，都幾大杯；第一碟上嘅係小食，湯浸西蘭花加錢嘅優惠小食黎講，佢都算幾大份下湯夠熱同濃，浸得西蘭花幾淋👍🏻加上木魚碎，賣相靚是拉差醬雞翼一開始心急無試過原味就點醬食個醬好辣，唔係講笑，真係有d標眼水所以第二隻我都係食返原味算😂夠香脆 原味都好好食👍🏻青醬蘆筍烤雞意粉意粉炒得幾乾身，意粉軟硬程度適中，控制得幾好👍🏻All day breakfast 咩都有d，夠豐富，食到最後一條腸已經飽左食唔落，另外欣賞佢有配埋甜甜的鮮果西米露女士都係對甜食招架不住.總結，其實食物非常之好，無咩唔滿意、反而服務真係大大扣分，其實大多數店員都好好嘅，但咁岩次次幫我地收野果位侍應就勁心急；我地先岩岩叉起舊菜放落口，個碗就被收起左，最後一碟all day breakfast
我地大概下午5:15分黎到，仲有提供午餐餐牌到5:30，所以我地就叫左2個lunch set,再加2款小食（一個菜，一個雞翼）
午餐應該包左沙律/餐湯二選一，不過侍應話餐湯賣哂，所以就無得揀喇
另外包左餐飲，都幾大杯；
第一碟上嘅係小食，湯浸西蘭花
加錢嘅優惠小食黎講，佢都算幾大份下
湯夠熱同濃，浸得西蘭花幾淋👍🏻
加上木魚碎，賣相靚
是拉差醬雞翼
一開始心急無試過原味就點醬食
個醬好辣，唔係講笑，真係有d標眼水
所以第二隻我都係食返原味算😂
夠香脆 原味都好好食👍🏻
青醬蘆筍烤雞意粉
意粉炒得幾乾身，意粉軟硬程度適中，控制得幾好👍🏻
All day breakfast
咩都有d，夠豐富，食到最後一條腸已經飽左食唔落，
另外欣賞佢有配埋甜甜的鮮果西米露
女士都係對甜食招架不住
.
總結，其實食物非常之好，無咩唔滿意、反而服務真係大大扣分，其實大多數店員都好好嘅，但咁岩次次幫我地收野果位侍應就勁心急；我地先岩岩叉起舊菜放落口，個碗就被收起左，最後一碟all day breakfast 先過份，最後一啖放落口，口仲𡁻緊，我地想放低埋叉羹，都未黎得切放低又收起左😑
其實佢見住我地想放低架喎，但係都要收；
其實講多句問一聲唔係好難啫
而且我地食飯嘅時間仲係非繁忙時間，餐廳又仲有吉位，又未有人等位，真係唔知個侍應急d咩😓
张贴
