和幸日本燒肉料理 (已結業)

已經唔係第一次去呢度食飯, 今晚九點半多啲上到去, 侍應同我講話無位, 雖然知道今日係星期五, 但係都無諗到咁旺, 結果, 等到差唔多10點先至有位。坐底後係度喺今次叫咩食, 睇見有三個SET都係OK嘅, 結果, 我最後決定叫咗個海鮮黑毛和牛嘅SRT, 貪佢有蟹腳食, 另外, 叫咗個厚切牛舌同雞腎, 因為兩樣燒嚟食送啤酒都一流。啲嘢嚟到, 我見點解同我叫嘅SET有啲分別嘅?咁我就問個侍應, 佢話因為蟹腳咁啱賣晒, 所以就換咗兩隻生蠔同加多一隻帶俾我代替；我心諗: 咁都得?你點解唔同我一早講呀??? 你一早同我講嘅話我就叫另一個SET, 而且又唔會叫咗個牛舌(因為嗰個SET有), 但係既然個牛舌同個雞腎都上晒枱, 雖然我俾個侍應吹都”啤”一聲, 不過, 我唔想自己嘅心情火上加油(因為今日已經唔係咁開心架啦!), 所以我就算數!平心而論, 呢間嘢啲嘢食比起最初嚟食貴咗唔少, 價錢同伊呂波越拉越近, 但係食物嘅質素就仲有一啲距離, 假使價錢再繼續貴落去嘅話, 我好有可能唔會再去呢度而去伊呂波, 尤其係再有上述嘅事情發生嘅話, 我就更加唔會再嚟, 而家係我嚟食我想食嘅嘢, 而唔係你幫我決定食咩