Green Common (QRE Plaza) (已結業)

因為自己有去過上環嗰間分店Kind Kitchen，覺得食物同服務幾好好，所以今次同朋友試下灣仔呢一間。地方雖然唔算大，但係都算坐得舒服。食物價錢唔貴，叫咗個焗豬扒飯同埋未來漢堡，都算幾好食。好可惜，當個女侍應送最後一道餐既時候，佢就咁“啪”一聲擺落張枱度，然之後唔出聲，木無表情咁走開。睇返之前食評，發現其他評論都有提及店員服務質素有待改善。如果因為呢一樣嘢破壞咗Green Common嘅形象，我會覺得好可惜。