港嘢茶檔 (已結業)

今日第一次來呢間新開嘅茶餐廳，嘢食其實我就無乜所謂，都叫做交到貨OK啦。但係服務就真係想講下。由排隊開始已經覺得個收銀女士好串，不過都體諒可能新開檔比較忙未習慣。但係坐低叫嘢食到埋單其實態度都好差，冇散子找無所謂，但係唔應該態度惡劣囉。中間仲發生一段小插曲，有另外一位男食客發好大脾氣，仲講晒粗口大鬧，都係因為同一位收銀女士嘅作風。間餐廳裝修咁好，主題又咁有新意，衰係收銀態度上就真係唔抵囉。希望會有改善。