影片
更多
2009-09-30
30 浏览
今晚同朋友一共七個人包咗間房食晚飯，基本上平時我成日都會去，每年公司嘅團年飯或所有宴會都會幫襯佢，所以同D經理個個都好熟，節日買糉買月餅都唔少，本來佢哋大致上嘅服務及食物質素都唔錯，但估唔到今晚埋單時預到一位非常之唔稱職嘅男性高級部長，因為當我埋單簽完卡嘅時候，發現我張信用卡明顯由左至右(在磁帶部份)劏開咗成半吋長，我朋友即刻走去問收銀亞姐點解會拉爛咗張卡，叫佢下次小心D唔好夾硬拉，個亞姐即刻聲大夾惡咁話唔關佢事，之後就叫果位高級部長去處理，果位高級部長第一句係講"對唔住，唔好意思...................不過我諗你張卡之前係已經爛咗喇，我哋收銀係唔會整爛嘢嘅"！！！點解佢咁肯定個收銀係一定唔會整爛嘢嘅？我張卡係全新架，根本就無爛到，所以我唔會接受佢嘅講法，後來店長李先生入嚟，我反映比佢聽，我話本來同亞姐講都係想佢下次小心D，估唔到連"高級"部長都係如此唔稱職，完全唔識解決客人嘅投訴，重將責任推返比客人，李先生聽完都好明白，他說會叮囑下屬以後工作要小心。其實這樣就OK啦，本人都只係想反映下比負責人知問題所在唧，張卡嘅然已經爛咗都補唔返架啦，我完全唔係要追究責任，如果唔係都唔
其實這樣就OK啦，本人都只係想反映下比負責人知問題所在唧，張卡嘅然已經爛咗都補唔返架啦，我完全唔係要追究責任，如果唔係都唔會只係叫收銀亞姐下次小心D啦！
不過我相信今次只係個別員工嘅工作態度問題，佢嘅食物係OK嘅，尤其係佢最出名嘅燒鵝，一定要試，另外生煎包都好好食，不過好快賣晒，本人建議落order時叫埋，跟住可以叫佢等食完主莱再上，其他食物就一般啦，不過不失！
张贴