民華餐廳

营业中

休息中

今日因工作需要嚟到東涌，嚟到11點過啲但之後有野做就同同事食個早lunch。同行有同事係住東涌既，由佢帶路我地一行4人嚟到呢間民華餐廳。餐廳離地鐵站唔算遠，可能咁啱過左早餐時段又未咁早有人食午餐，我地嚟到唔洗等位即刻有得入。店內人唔算多，我地坐係門邊既卡位，啱啱好坐得落4個人但就冇位擺野，姐姐建議我地將啲野放到收銀果邊。同事話佢嚟通常都係叫常餐，所以我地最愛全部都叫曬常餐😂呢個鮮茄牛肉通粉唔錯，食到個湯底係有真蕃茄，亦都有蕃茄肉，味道偏酸唔會似茄醬煮既。個滑蛋都唔錯，塊包就因為我啱食完早餐冇耐太飽冇食到。奶茶味道一般，有啲鞋口，唔落糖唔得。價錢幾平，據講仲係連鎖店嚟，第日嚟東涌就唔怕唔知有咩食啦！