大自然素食

营业中

休息中

媽媽食齋已經兩年...母親節...就諗住同佢去食齋...之前聽 d 同事介紹過大自然素食...話都 ok...幾好食...咪 o黎試下囉...驚要等...就 book o左檯先出發...我到 o左門口...見裡面 d 職員都忙緊...就諗住等一陣啦...點知...等 o左好耐...我肯定裡面有三名員工都見到有客 o係門口等陣...但無一個行出 o黎...阿妹唔耐煩就入去嗌人...話我地 book o左檯...係就係即刻俾位我地坐低...但已經唔高興囉...坐低...唔問佢都唔拎餐牌俾我地...有 o野問佢地...又好似唔想答咁...就算答都求其講你知就即刻閃開...個個員工都面向西邊...好過份囉...呢餐我地叫 o左片皮鴨 / 雲吞煲 / 餃子 / 沙嗲串燒...片皮鴨同串燒好好味...真係好似食緊肉一樣...佢絕對唔係求其緊 d 素雞素鴨俾你扮食肉...雲吞煲同餃子就一般般 o者...無咩特別...其實餐牌上仲有其他食物想試...不過我地得三個人...費事食唔唒啦...下次...我會選擇試下其他 o既素菜餐廳...唔想再 o黎呢度...