Lockeroom Express (已結業)

今日陪朋友嚟開佐敦。就揀咗呢間鋪食晚餐。間餐廳係足球主題，啲杯都幾得意。蒜蓉包小小脆，熱辣辣咁。番茄薯仔湯不過不失。朋友特別推介呢個鹹蛋黃雞翼，炸得酥脆又有濃烈嘅蛋黃味。我叫咗個鮮蝦菠蘿漢堡，塊炸蝦好足料，啖啖鮮蝦肉，仲送即炸既薯角，有薯味得黎唔係一堆粉，正 😄 朋友叫咗份白松露忌廉炒野菌，我唔食菌既但聞落幾香👍🏻朋友仲叫咗個蟹肉海鮮天使麵，佢話呢個辣度唔係個個頂得順。甜品叫左個芒果奶凍同埋朱古力奶凍，奶凍非常濃稠，又唔會太甜，飯後食一流。