Med Chef (已結業)

一間充滿神秘感嘅餐廳❤️環境浪漫充滿情調☺️食物選擇豐富多樣🍴今次決定要試吓非常出名嘅美國安格斯穀飼平鐵牛扒🐂 鍾意食牛扒嘅我…好想試吓佢😛 前菜就叫左芒果莎莎吉列虎蝦墨西哥薄餅🦐 同埋西班牙最出名嘅甜品脆炸焦糖西班牙油炸鬼配雲呢拿雪糕🍨最後就係一杯蜜桃乳酪沙冰🍧首先講吓個前菜，吉列虎蝦真係好脆又大隻新鮮🤤配埋個薄餅增加少少飽肚感👍芒果好甜，好好食😛必叫前菜之一😀 至於牛扒一上枱，賣相已經好出色，廚師已經好細心將牛扒切好一件件👍 一咬落去😳肉質非常新鮮有口感，牛扒啱啱好唔會韌，仲好Juicy 🤤 真係冇叫錯！推介大家可以試吓💯 質素絕對高質！最後當然係好好食嘅西班牙油炸鬼，好香脆鬆軟，微微玉桂味🍎唔會太甜，一啲都唔溜👍 配上凍冰冰嘅雪糕同朱古力醬，真係好好食😛 蜜桃乳酪沙冰都幾大杯，蜜桃味突出👍亦都唔會好甜，感覺幾健康❤️ 整體食物環境非常滿意💯會再encore ☺️