牛角日本燒肉專門店 (V Walk)

营业中

休息中

同朋友一共有７人，訂左牛角食晚餐。諗左好耐食咩ｐｌａｎ好，因為有男有女，女仔唔算食得多，叫最貴ｐｌａｎ又唔抵，結果要左個９０分鍾既ｐｌａｎ因為肺炎既關係要分枱坐，有少少失望無得一齊吹水，但為左衛生問題無辦法。我地呢邊有３人一枱，另外４人一枱，因為時間有限，我地要一個用手機落ｏｒｄｅｒ，一個燒，一個就食。當然工作要輪流咁做，咁就大家有得食ＸＤ講返Ｄ野食質素，牛角既肉的確係高水平，牛肉牛舌海鮮都係高水準，而落完單後，漏單情況都唔多，好多時都黎齊。最開心係有好多款肉，每款肉仲有唔同既口味。而野飲除左汽水，仲有茶等等。最後唯一比較唔好既係，臨尾有雪糕，但無問我地食咩口味，求其拎幾款味俾我地。擺左一陣我地先發覺黎左雪糕，唔換啦，雪糕拎左出黎一陣再擺入雪櫃無咁好。係度提醒大家預左夠鍾就要走，唔好令侍應難做。