牛品台式火鍋

营业中

休息中

今日同老公喺尖沙咀拍拖之後我哋就去咗牛品台式火鍋度打邊爐啦！💜呢次已經係我哋第N次咁嚟啦，因為呢度嘅食物同飲品非常出眾，尤其是係啲牛同花茶！😀平時我哋都係食麻辣湯底嘅，咁今次就轉吓口味，我哋呢次試咗個鴛鴦湯底，沙茶海鮮鍋有好香嘅沙茶味，而酸菜白肉鍋睇得出係真材實料，有好多豚肉片係個鍋入面，而且同埋啲酸菜一齊熬製好開胃！😍咁我哋嘅主角就係有呢度嘅澳洲M9和牛肩胛肉，無論呢個肩胛肉擺喺沙茶海鮮鍋度落定係酸菜白肉鍋度落都係咁好食，牛咬落去好煙韌同好軟冧冧，索埋啲湯底簡直係將牛既精華發揮都極致！🤤食完呢度嘅美食配埋個自家製洛神花茶真係無憾啦！洛神花茶好好飲，味道酸酸甜甜，好解油膩！食多多都唔怕！😄