个園竹語

营业中

休息中

今日中午老細約咗客食飯，喺海港城附近想食中餐，叫我搵吓，突然諗到之前食過呢間味道同環境都唔錯，所以我就打電話訂咗呢間1:30，去到應該都坐有八成滿，我哋五個人食，侍應安排咗一張長枱，我覺得唔方便傾偈就叫佢換張圓枱俾我，侍應就同我講坐圓枱有房，最低消費$4000，但我見到我對面張4人枱就嚟食完，於是就同佢講加張凳得唔得，佢就兩個字覆我(唔得),之後我再三強調圓枱比較方便傾偈食嘢，得來嘅回覆就係圓枱都有最低消費，我問佢兩次都冇覆過我幾多錢係最低消費，最終都係坐低咗長枱，冇乜心機睇之下求其嗌咗個A餐，$248一位，另加10%服務費，但就唔包服務，除咗上錯餐，錯漏百出，態度惡劣之外，食物還是有水準的！一共叫了四個不同的侍應服務態度都係一樣嘅）煙燻糖心蛋確實好食，煙熏味勁重，食完齒頰留香！值得一讚係海參紅燒肉，海參雖然炆得唔淋唔入味，但紅燒肉就做得十分出色，肥瘦均勻入口即溶，而且味道超香！值得大大讚賞嘅就係招牌小籠包，皮薄湯汁豐盈，餡肉鮮甜，果然係招牌菜👍生煎包亦都好食，剛剛出爐每只都脹卜卜，底脆皮薄，肉餡就比較少 ，但味道搭夠！其他就不過不失，冇乜特別！