酒鍋 (V Point) (已結業)

見到呢間唔少人推薦，所以搵左一日黎食個四人既午餐，人均500，食物都OK，唯一好評既係湯底。但個別侍應既服務態度真係好差。食火鍋無幫我地加水，上刺生拼盤無wasabi無豉油都算，有兩件事真係令人唔會再想去呢間餐廳，首先，有個侍應攞左一盤配料比我地，因為我地檯面已經無位，所以侍應就將盤配料擺係隔離無人既檯，比我地係隔離檯舀配料去自己個碗度，就係呢個時候，另一個短髮侍應就過黎，態度惡劣地話呢張檯有人預訂左，唔好係度舀，整污糟。侍應們配合得好D好嗎？第二，我地霖住叫侍應加水，禁一下個鐘等左一陣後無人理 ，咁就禁多下，點知短髮侍應過黎之後就話唔好禁咁多次。大佬，我只係禁左兩次，而且第一次無人理，咁係咪要我等你一世？定你以為我幼稚到覺得禁個鐘好好玩所以不停禁？短髮侍應對我地同埋對其他檯既客人係完全唔同態度。歸根究底就係因為我地講普通話。其實我都知唔係個個D普通話都達到可以正常交流既程度，我都知有D人自信心可能比較低唔敢同人地用普通話交流，所以作為一個香港人，我每次同個侍應講野都係用廣東話，無法理解點解要差別對待。呢間餐廳唔推薦，亦無下次。