優豪方火鍋料理 (已搬遷) 新店位置

食物質素︰一般，以價錢而論，唔值。唯一OK既係＄29有支裝德國啤酒。環境︰一入門口好似唔錯幾高級咁，近鏡睇卡位sofa就有些少漬，同埋坐落唔係好舒適，不過就唔迫。服務︰問個阿姐湯底有無芫茜，佢隨口答話無，上到枱發現有，仲係好多，對一個唔想食芫茜味既人黎講係好大件事！其他都叫應有既有，比如自動問下你使唔使加湯，收下碟...無相係因為湯底，火煱料上到枱覺得唔值得推介，所以都唔打算影相喇。