御滿屋日本料理

营业中

休息中

朋友想食放題解壓，我當然奉陪到底。呢間第一次食，入到去已經有不少人客人，但因為呢度坐位都樂闊落，所以都坐得舒服。呢度實在太多野揀，除左刺生，仲有好多熟食同甜品。我主力推介刺身我地食左2 round,全部刺身都好肥美，又夠鮮甜，三文魚、帶子、劍魚腩，超大赤蝦和角螺刺身等，每次點完都好快上枱，而且跟足件數，冇俾漏。另外海膽手卷，食落去淡淡的海水味，鮮甜細滑，都是必食。另外涼拌鮑魚都做得很出色，鮑魚爽口彈牙，惹味的泰式醬汁將鲍魚的鮮味提升。熟食的芝麻雞翼，熱辣辣上枱，炸到金黃，內裡多汁。比目魚同燒鰻魚，油脂夠，魚肉鮮嫩甘香。仲有鹽燒海蝦，鮮肉爽彈，燒得剛好。天婦羅蝦一點都不油膩，炸到面頭酥脆，上枱時熱辣辣，好高質素。最後呢度的一口牛、牛西冷扒、烤牛舌都不可錯過，有牛脂香又夠惹味，超適合牛魔王。仲有榴槤，食落去香甜軟糯，榴槤控的我食得超滿足。自助區除了有很多種類的飲品，雪條，雪糕，連馬卡龍和清酒都有。今餐食得很盡興，食物質素高，價錢又合理，值得encore。