阿貓地攤 (已結業)

睇左黃店地圖而來 但給我一種伏既感覺1）環境一般，尤其卡位啲座位同公仔都勁污糟，好似幾年無洗咁2）menu既質素唔多符合價錢，一個餐加埋一大概百五人一個，但個水準係中等偏下，都無正常cafe水準，我地食既係雞扒飯同肉醬意粉 3）當店舖既人多左之後，明明間cafe仲有其他位，但個店主？職員叫我地坐入去，之後仲無問我收埋我啲嘢食，但我杯野飲其實未飲到一半，我覺得好唔尊重我哋有趕走我哋嘅意圖，佢咁做我以為自己係食緊茶記，但呢間係cafe 簡單黎講，都係果句，我支持黃店，但唔代表會盲撐黃店，因為的確試過幾間唔同黃店無論係質素環境同埋接待方面都係強差人意！結果變左貼錢買難受！