影片
更多
2023-01-23
316 浏览
年初一陪老人家食素，就揀咗呢一間近近地嘅。餐廳前一個禮拜已經一早WhatsApp咗我哋，要求比訂金$200，我哋book咗1:15，去到點知仲要等半個鐘……服務員態度亦唔係太好。都唔緊要，入到去，我都未見過一間餐廳安排比客人嘅座位係咁嘅：張卡位係我哋四人坐緊，而另一張二人枱係我哋唔識嘅，但係拍到咁埋，完全好似搭枱咁…..入邊嗰張枱既人出出入入，二人枱嗰兩個人都要企起身，覺得真係幾離譜下…到我哋叫野食，發現好多嘢食選擇都冇，例如薄餅有四款就剩係得一款可以揀，最後想食個甜品都冇。我哋淨係嗌咗個鰻魚飯、金邊粉同埋鰻魚薄餅。個鰻魚飯既汁都真係幾難食，死甜味，配嗰個天婦羅就好厚粉…個金邊粉味道算係最正常，但係食食吓就有蛋殼…食物質素都幾差下。最後我哋食咗五百幾蚊，點知原來餐廳係冇扣到原先我哋比嘅訂金，而嗰日我哋俾錢嗰陣都冇為意。我哋覺得俾咗訂金，餐廳應該有責任存返個記錄，扣返錢比客人，而唔係由客人自己去發現。跟住我哋打返俾餐廳要求退返$200，聽佢口氣都即刻知道問題，我地話已經走左好遠，佢仲要我哋特登去返間餐廳攞現金。最後我再打俾佢話真係返唔到嚟啦，佢就話可以PayMe我。咁點解一早話要我地返去
都唔緊要，入到去，我都未見過一間餐廳安排比客人嘅座位係咁嘅：
張卡位係我哋四人坐緊，而另一張二人枱係我哋唔識嘅，但係拍到咁埋，完全好似搭枱咁…..入邊嗰張枱既人出出入入，二人枱嗰兩個人都要企起身，覺得真係幾離譜下…
到我哋叫野食，發現好多嘢食選擇都冇，例如薄餅有四款就剩係得一款可以揀，最後想食個甜品都冇。我哋淨係嗌咗個鰻魚飯、金邊粉同埋鰻魚薄餅。
個鰻魚飯既汁都真係幾難食，死甜味，配嗰個天婦羅就好厚粉…個金邊粉味道算係最正常，但係食食吓就有蛋殼…食物質素都幾差下。
最後我哋食咗五百幾蚊，點知原來餐廳係冇扣到原先我哋比嘅訂金，而嗰日我哋俾錢嗰陣都冇為意。我哋覺得俾咗訂金，餐廳應該有責任存返個記錄，扣返錢比客人，而唔係由客人自己去發現。跟住我哋打返俾餐廳要求退返$200，聽佢口氣都即刻知道問題，我地話已經走左好遠，佢仲要我哋特登去返間餐廳攞現金。最後我再打俾佢話真係返唔到嚟啦，佢就話可以PayMe我。咁點解一早話要我地返去呢…？
總括黎講，環境差，食物質素又差，服務都差。唯一有少少可取之處係新派素食，有啲新意，但係咁難食我就真係唔會想試啦下次…
张贴
