影片
更多
2018-11-15
3303 浏览
今年老竇生日去食自助餐，由訂位過程到接待繼而安排生日甜品驚喜都相當滿意。食物質素方面絕大部分都滿意，由其波士頓龍蝦同麵包蟹都幾新鮮，重有鮑魚海蔘，龍躉，片皮鴨等比較少有既選擇。其他常見食物都尚算滿意，不過甜蝦刺身食到有冰，相信係解凍時間唔夠 ; 其次係凱撒沙律啲菜唔太新鮮。本來對JW咖啡室尚算滿意並打算俾好評，可惜發生左一件事令我地一家有好唔愉快既經歷。事情係: 我向男員工詢問有關飲品任飲套餐既問題，佢向我表示有每位港幣200元既紅白汽酒類任飲套餐 及 最近做推廣每位港幣30元既橙汁蘋果汁芒果汁七喜百事嘉士伯任飲套餐。然後我問佢係唔係所有套餐如果落單就要全枱每位都要俾，佢表示酒類餐因為放置喺食物區要客人自行斟添所以需要全枱每位收取費用，而果汁汽水餐係由侍應安排所以唔使全枱收費，隨後我向男員工落單1位並點左1杯橙汁。前前後後我總共點左4杯橙汁並每次我都向男員工表示 "refill" ，到最後我轉點蘋果汁1杯。2分鐘後一位身穿西裝相信應該係經理喺我離座時向我家人表示蘋果汁收費港幣80元而橙汁收費係港幣30元並問佢地重需唔需要，家人表示因為落單既我唔在場所以未能回答該經理就離開左。我
食物質素方面絕大部分都滿意，由其波士頓龍蝦同麵包蟹都幾新鮮，重有鮑魚海蔘，龍躉，片皮鴨等比較少有既選擇。其他常見食物都尚算滿意，不過甜蝦刺身食到有冰，相信係解凍時間唔夠 ; 其次係凱撒沙律啲菜唔太新鮮。
本來對JW咖啡室尚算滿意並打算俾好評，可惜發生左一件事令我地一家有好唔愉快既經歷。
事情係:
我向男員工詢問有關飲品任飲套餐既問題，佢向我表示有每位港幣200元既紅白汽酒類任飲套餐 及 最近做推廣每位港幣30元既橙汁蘋果汁芒果汁七喜百事嘉士伯任飲套餐。然後我問佢係唔係所有套餐如果落單就要全枱每位都要俾，佢表示酒類餐因為放置喺食物區要客人自行斟添所以需要全枱每位收取費用，而果汁汽水餐係由侍應安排所以唔使全枱收費，隨後我向男員工落單1位並點左1杯橙汁。
前前後後我總共點左4杯橙汁並每次我都向男員工表示 "refill" ，到最後我轉點蘋果汁1杯。2分鐘後一位身穿西裝相信應該係經理喺我離座時向我家人表示蘋果汁收費港幣80元而橙汁收費係港幣30元並問佢地重需唔需要，家人表示因為落單既我唔在場所以未能回答該經理就離開左。我返到座位後家人表示原來果汁並唔係任飲需要收費，我覺得無奈並向同一經理查詢。問左之後經理依然表示果汁每杯收費而唔係任飲，我向佢表示有位男員工同我介紹兩個上述套餐，經理答我"咁得意？等我去了解一下"就離開左。
3分鐘後另一位同樣身穿西裝相信係更高級既經理行過黎，表示冇做果汁汽水任飲套餐並問"係唔係得一位飲過？其他人有冇飲？如果係我計返你地1杯既價錢啦"，我地一家表示冇之後經理就離開安排結賬並向我強調只有收一杯果汁既價錢。
聽完經理質詢我地一家上述問題後我心理已經好唔舒服，覺得貴餐廳認為我地無賴想攞著數，但實情係貴餐廳員工對資訊唔清楚繼而誤導客人導致呢件事既發生。問題在於餐廳一方，如果可以誠懇表示員工出錯導致誤會發生既話我會接受並付款，可惜有人認為我地一家無賴令我呢一餐好唔安樂！
如果貴餐廳可以對前線員工多啲培訓並確保所有當日工作人員清楚了解明白所有收費及資訊會更好。
我再唔會光顧JW咖啡室
张贴
