永華日常 (利東街)

营业中

休息中

住喺附近今日行過終於有機會試新開嘅榮華日常，由於已經接近六點所以叫外賣，非會員外賣有九折。點左兩份下午茶餐，一個係長嘆西多士，另一份係牛肉鄉村羅宋湯。長嘆西多士打卡一流，不過我因為叫外賣所以冇影，但係食落去只不過係一份好厚好厚嘅竹炭花生醬多士，中間溶咗嘅棉花糖係有帶出甜味，不過整個味道都俾花生醬蓋過，做呢個多士嘅白麵包質素係好嘅，竹炭外層亦都香脆，不過整體食落唔係太特別，屬於試過一次就算。另一個牛肉鄉村羅宋湯韓國即食麵下午茶餐，外賣有將湯同面分開，可惜羅宋湯太少，放咗個麵落去撈左一段時間啲羅宋湯會掛喺麵度，成個感覺似撈麵多個似湯麵，如果可以俾多少少湯就好啦。整體感覺一般，下次都係食返傳統食物例如雲吞麵。