陶源酒家 (已結業)

去到的時候已經係1:50，一入去接待處冇人招呼，自己行入去，坐左一陣先有侍應問飲咩茶。望望餐牌就快到下午茶時間，同侍應講，佢攞左下午茶紙，下午茶時段以入單計。鮮沙薑香茜豬手花生一啲好食，一啲過氣，沙薑味淡，豬手都有肉有骨。XO醬銀芽炒腸粉第一冇XO醬，第二勁多油，第三腸粉好散，第四冇味，第五冇甜醬/花生醬，完全唔掂。筍尖原隻鮮蝦餃個外型特別白，蝦餃皮雖冇散開，但係口感好差，唔滑身。姬松茸遼參餃好多料，但好多油，要吹凍少少先可以食，個皮會黏住筷子。馬拉盞海皇炒飯勁勁勁多油，完全冇味，鹹味都冇。環境尚可，侍應服務態度都幾好，但係杯碟衞生好差，連續換左4隻杯才好少少。