梁山泊 (已結業)

梁山泊啓業初段有來幫襯過，昨晚和媽媽重臨舊地。門口擺放了三擋小食亭，道具精巧，很有古裝街的地攤風味。原來梁山泊最近增設了一項遊戲，侍應會在客人落order前和客人玩擲豆袋，豆袋繡了數目字，侍應會照着你擲出來的數字把銅錢分給客人，讓客人在小食亭換購心水小食。我在小食亭換購了滷水豬紅、滷水鵪鶉蛋和烚粟米。滷水豬紅非常咸，鵪鶉蛋反而唔錯，粟米則非常鮮甜。小食亭亦有供應糖水和白糖糕，甜品錢都慳埋，此遊戲我和媽媽都覺得唔錯，gimmick十足。我們另外點了蕃茄蛋餃、雪菜桂魚麵和蟹糕蒸冬瓜。蕃茄蛋餃我和媽媽各人只吃了一舊，蛋餡過老，蕃茄蓉一啲都唔鮮，皮又厚又韌，大家千祈唔好點呀！桂魚麵其實OK，麵和桂魚都非常滑，不過我就覺得好腥，媽媽覺得還可以。蟹糕蒸冬瓜賣相一流，不過味道九流。蟹糕獻超腥。其實梁山泊的裝修，service，創意我都十分欣賞，不過真係要improve吓啲食物質素。