影片
更多
2009-09-10
5 浏览
星期日去咗尖沙咀lee間茶餐廳食lunch，叫咗1杯凍飲、1個炒粉面、1個豬扒飽 同 2個葡撻。落完order之後，待應仲同我地覆1次單，轉個頭，我地叫ge葡撻隨之送上，但其他所有ge嘢，就等咗好耐都未到…大約等咗20分鐘，我地就向待應追單，點知佢第一句就同我地講：啲嘢唔同部門，又忙，你等吓啦...點點點點...我地咪話囉：個個部門都忙﹖成4個字，連杯凍飲都嚟唔到窩！唔係呀嘛，個待應跟先話幫我地追單，但語氣就認真麻麻 (其實都真係火火哋 )，當時另一個待應見唔係好妥，就過嚟做和事老話：果個待應啱啱比經理鬧完，心情唔好，依家追緊單，啲嘢好快嚟…(心情唔好就咁對啲客？哦，原來香港好客之道係咁ge )。隔咗陣，一開始幫我地落單果個待應走嚟同我地講，張單無入到，唔好意思，我地話：吓？張單無入到？點知待應答我地：係呀，我都唔知呀…然後就走咗去…(真係扯晒火啦 )，跟住我地叫番佢埋嚟，我就話喇：唔該，你幫我地落單，仲覆埋單比我地，你唔知，咁邊個知呀？你講完堆嘢就咁走咗去，咁依家張單即係點呀？跟住待應仲駁番我地：係我落單，不過我真係唔知呀…(佢駁咀駁得的確妙…我真係比佢激死咗 +.+”)。經過一輪〝
落完order之後，待應仲同我地覆1次單，轉個頭，我地叫ge葡撻隨之送上，但其他所有ge嘢，就等咗好耐都未到…
大約等咗20分鐘，我地就向待應追單，點知佢第一句就同我地講：啲嘢唔同部門，又忙，你等吓啦...點點點點...我地咪話囉：個個部門都忙﹖成4個字，連杯凍飲都嚟唔到窩！唔係呀嘛，個待應跟先話幫我地追單，但語氣就認真麻麻 (其實都真係火火哋 )，當時另一個待應見唔係好妥，就過嚟做和事老話：果個待應啱啱比經理鬧完，心情唔好，依家追緊單，啲嘢好快嚟…(心情唔好就咁對啲客？哦，原來香港好客之道係咁ge )。
隔咗陣，一開始幫我地落單果個待應走嚟同我地講，張單無入到，唔好意思，我地話：吓？張單無入到？點知待應答我地：係呀，我都唔知呀…然後就走咗去…(真係扯晒火啦 )，跟住我地叫番佢埋嚟，我就話喇：唔該，你幫我地落單，仲覆埋單比我地，你唔知，咁邊個知呀？你講完堆嘢就咁走咗去，咁依家張單即係點呀？跟住待應仲駁番我地：係我落單，不過我真係唔知呀…(佢駁咀駁得的確妙…我真係比佢激死咗 +.+”)。
經過一輪〝追單〞過程之後，其實由我地入坐到依家都已經有半粒鐘，但都只係每人有1個葡撻落到肚，(啊！葡撻梗係快嚟啦，喺門口個餅櫃攞入嚟，依個部門最得閒架喇~)，再過咗一陣，全部嘢食就〝炸〞一聲嚟齊晒，(當然嘛，我地睇到，午市坐滿果啲客都走咗大半咯，個個部門都忙完啦~)，好明顯，我地成張單頭先係漏入咗，咁啲部門幾得閒都唔會整到出嚟囉！！！
講到食物質素，雖然未到難食級數，但就…
凍鴛鴦-----似一杯啲冰溶咗ge凍奶茶 + 咗好少量ge咖啡，然後再加番啲冰整凍ge一杯嘢，無奶味、無茶味之餘，咖啡味亦都欠奉。
什錦炒鴛鴦粉-----都算比足料，而且炒得幾乾身，唔會油立立，但裡面啲雞肉好重雪味，米粉 + 河粉亦都係無味道ge，而顏色就好似無落老抽去炒ge粉面咁，夠晒白淨，一句講晒，依碟嘢喺肚餓ge時候仍然提升唔到食慾！(唔好忘記，我地足足坐咗超過半個鐘，都差唔多2點咯，個肚都打晒鼓喇~)
而葡撻 & 豬扒飽-----我唔知點先為之好食，但兩樣嘢都唔能夠令到我有encore的衝動。
總體而言，我唔知依個集團係咪間間都係咁，不過尖沙咀依間分店我就唔會再入去食囉！！！食物質素已經留唔住我，再加上待應ge態度實在好〝趕客〞，試問又點會再光顧呢~
张贴