日泰郎放題料理 (已結業)

今日和男朋友都早收工，所以過來日泰郎食buffet, 因早點入座可以平d一開始點食物時真係好開心，因為選擇好多，有火鍋生料，刺生，壽司，串燒，天婦羅，炒飯，咖哩等等！但到食的時候就扣哂分了，食物唔新鮮，尤其刺生，一食就知係劣質貨，無得＂扼＂！壽司, 手卷都係唔新鮮, 唔好味!泰式方面, 咖哩味道一般, 好似超市即食咖哩咁; 串燒好鹹, 燒得唔香!火鍋:我們選了冬陰公湯底, 味道ok, d料都好多選擇, 有肥牛, 魚片, 蝦, 丸, 菜, 面斤等等!天婦羅則推介炸軟殼蟹, 炸得香脆可口, 其他炸物都唔錯!總結一句, 唔抵食, 平都無用呀, 無嘢好食