金越牛肉粉專門店 (已結業)

之前午市食過一次覺得幾好，但今次午市再黎實在差得好緊要，食物，服務，上餐時間都好唔掂。食物：－生牛肉牛丸金邊粉：之前食過啲生牛肉都覺得ok，似係薄切牛肉，但今次係完全普通肥牛，仲要係好硬好「un」同埋好大陣雪味。😞－越式春卷：嘩個炸春卷啲油多到，夾上黎啲油可以多到係哂落台，油浸春卷。服務：自問都唔係要求高嘅人，但求上餐快順利食完快手埋單走人。我12:45分落單，但豬頸肉撈蒙竟然可以1:30都未上到，我地追左4次。樓面只有兩個人（另外仲有一個係收銀），我追個時戴眼鏡個男仔呢頭話幫我check 下，個頭幫另一個客落單，無即刻去廚房追。到最後我地真係頂唔到要轉做外賣拎走，去埋單個時想要個檬汁，個收銀男人cup唔掂個外賣蓋，最後叫我等一陣，竟然走左去收左下個客錢先😧我張單已經遲哂，你仲要我等去幫其他客先，唔係麻？最後我自己行去bar個邊拎過一個外賣汁盒。我在場有成4.5台都等野食等左好耐，一間餐廳最重要係廚房出餐時間同食物質素，你呢兩樣搞唔掂真係會好麻煩。唯一一樣好係環境新裝修坐得幾舒服。