Bella Shine

見到咁高評分即管去試吓，點知中晒伏，同朋友去食lunch，叫咗兩個餐，一個係牛肋肉，另一個係燒乳豬。
未講兩個餐之前先講吓個南瓜湯，首先溫度已經唔係太熱，飲落去好似飲水咁，一啲味都冇。入正題，先講個牛肋肉，同個湯一樣，食物溫度有問題，好似樣樣嘢都唔夠熱咁，有啲配菜，例如茄子直頭係凍嘅。再講下一個乳豬，溫度唔夠熱就唔使再講，份量都非常之少，好似去食燒味飯既乳豬份量咁上下，根本唔夠食，收$150再加一抵唔抵就見仁見智。
最後講埋個餐茶，叫兩杯凍檸茶，今次唔係唔夠熱，係唔夠凍，凍檸茶係冇冰嘅。