影片
更多
2017-03-13
660 浏览
朋友結婚後有樣好，就係多咗個窩！閒來無時都可以上去吹下水、玩下board game! 唔洗係條街到遊離浪蕩唯一問題係屋主住得比較遠，係元朗...所以每次黎，都一定要食下啲元朗名物，彌補下搭咁耐車嘅煎熬嘛。今次朋友介紹咗呢間亞萊嘜嘜，8點鐘去到，門口都仲係堆滿人，看來都有不少棒場客！門口放咗兩塊巨型menu, 所以係等位期間，可以盤算下想食什麼。呢6款係餐廳介紹嘅招牌菜，好奇怪點解無蒜蓉飽？明明佢最出名就係蒜蓉飽！都或者可能太出名，所以唔諗住再宣傳金柚鮮蝦沙律（$92）好足料！每一啖都可以食到好多柚子肉，味道酸酸地、辣辣地、同時又帶少少甜，雖然聽落好奇怪，但食落異常夾！呢個就係柚子沙律的精髓！作為前菜的說，好開胃，唔錯！之後就係牛油雞翼（$70）外層炸得鬆脆，食落會有一陣陣嘅牛油香飄出，配埋泰式辣醬一齊食，係好食嘅！但$70得6隻，其實真係有啲貴我地另外叫咗個黃咖喱雞（$89），打算配蒜蓉飽食。不過一上枱，就覺得呢個咖喱雞搵笨咖喱汁好稀，薯仔仍煮得唔夠腍，有少少硬，而且雞份量唔多，得少少。總括黎講，仲衰過大家樂或者大快活...單點個咖喱汁要成$89，真係唔值！雖然咖喱唔掂，不過佢個蒜蓉飽
今次朋友介紹咗呢間亞萊嘜嘜，8點鐘去到，門口都仲係堆滿人，看來都有不少棒場客！
門口放咗兩塊巨型menu, 所以係等位期間，可以盤算下想食什麼。
呢6款係餐廳介紹嘅招牌菜，好奇怪點解無蒜蓉飽？明明佢最出名就係蒜蓉飽！都或者可能太出名，所以唔諗住再宣傳
金柚鮮蝦沙律（$92）好足料！每一啖都可以食到好多柚子肉，味道酸酸地、辣辣地、同時又帶少少甜，雖然聽落好奇怪，但食落異常夾！呢個就係柚子沙律的精髓！作為前菜的說，好開胃，唔錯！
之後就係牛油雞翼（$70）外層炸得鬆脆，食落會有一陣陣嘅牛油香飄出，配埋泰式辣醬一齊食，係好食嘅！但$70得6隻，其實真係有啲貴
我地另外叫咗個黃咖喱雞（$89），打算配蒜蓉飽食。不過一上枱，就覺得呢個咖喱雞搵笨咖喱汁好稀，薯仔仍煮得唔夠腍，有少少硬，而且雞份量唔多，得少少。總括黎講，仲衰過大家樂或者大快活...單點個咖喱汁要成$89，真係唔值！
雖然咖喱唔掂，不過佢個蒜蓉飽（$45）真係做得好出色面層焗到金黃色，賣相好靚。原本以為成條麵飽條都會好脆身，點知食落先知中間部分仲係好鬆軟。而且夾雜陣陣蒜蓉香味，一啖一知味！其實除咗個咖喱之外，其他食物質素都唔錯嘅，特別係蒜蓉飽，但價錢上真係略嫌偏貴，仲要地段係元朗區哩
张贴
