牧羊少年咖啡館 (葵青劇院)

营业中

休息中

牧羊少年咖啡館(葵青劇院)琴日同朋友行街行到攰，去左牧羊少年脆脆地食個晚餐。星期六夜晚，好好彩唔駛等位，但坐左個好凍好凍嘅二人位，問左待應可唔可以閂細啲冷氣，佢回應係隔離店舖風口位，調整唔到，但完全無問我地想唔想等人走左調去其他位坐，有少許失望，因為坐到後段，啲嘢食好快吹凍哂，我就黎吹到撐唔大對眼…嘢食方面，我叫左明太子鮮蝦意粉同白桃烏龍茶，朋友叫左半隻燒春雞同水果茶。之前喺將軍澳單車館食過意粉同pizza，覺得唔錯，明太子意粉都一如水準🌟，明太子少許鹹香不過鹹，大蝦肉質爽脆，不過唔明點解要加日本魚蛋，可以不加。燒春雞有驚喜！除左個皮煎得過龍，肉地嫩滑，好似我咁怕食雞胸嘅人都食到，加上鋪底薯蓉同燒汁襯托得唔錯，呢個值得叫！飲品方面，熱茶都係茶包，水果茶方面朋友無太多評價，不過不失。