影片
更多
2018-05-19
178 浏览
之前有一次預約過呢間餐廳，幾個朋友滿心歡喜想去試，點知侍應話唔見有我地個booking，無mark低，唔比入座。我俾返通話記錄佢哋睇，佢哋雖然承認我有打過去傾左幾分鐘，但話真係無mark到我有訂座，仲反問我有無錄音証明。期間，門口個女侍應態度極之差，好似我喺度乞求佢比我入去咁。一間餐廳，客人訂咗了亦有通話紀錄，佢哋卻因為自己嘅失誤令客人冇得食仲要態度咁差，實在係一個極之低級既行為。今次係第二次去，經過上次嘅經歷之後，今次我預約完之後前一日特登再自己打過去confirm booking，費事佢哋又話唔見左我個booking。我哋叫咗一個五國美人鍋，係包括藥膳雞，胡椒蟹肉湯，羊腩煲湯，肉骨茶湯，同埋一個水晶梨清湯。個鍋嚟到，等左一陣侍應幫我地點火，個胡椒蟹肉湯唔知點解由頭到尾都冇見佢滾過，可能因為稠得滯，個味道好怪，好似罐頭蝦湯加少少麻辣咁，唔推薦。至於其他幾個湯，只可以話冇乜特別，尤其藥膳雞湯同肉骨茶湯個味道極度相似。到食物方面，全部食物份量都好少，除咗個羊肉係正常份量之外，其他都好細碟。羊肉味道唔錯，花枝片亦都幾新鮮。除咗呢兩樣之外其他食物都麻麻地。黑松露餃完全冇黑松露味，入邊啲餡亦都
之前有一次預約過呢間餐廳，幾個朋友滿心歡喜想去試，點知侍應話唔見有我地個booking，無mark低，唔比入座。我俾返通話記錄佢哋睇，佢哋雖然承認我有打過去傾左幾分鐘，但話真係無mark到我有訂座，仲反問我有無錄音証明。期間，門口個女侍應態度極之差，好似我喺度乞求佢比我入去咁。一間餐廳，客人訂咗了亦有通話紀錄，佢哋卻因為自己嘅失誤令客人冇得食仲要態度咁差，實在係一個極之低級既行為。
今次係第二次去，經過上次嘅經歷之後，今次我預約完之後前一日特登再自己打過去confirm booking，費事佢哋又話唔見左我個booking。我哋叫咗一個五國美人鍋，係包括藥膳雞，胡椒蟹肉湯，羊腩煲湯，肉骨茶湯，同埋一個水晶梨清湯。個鍋嚟到，等左一陣侍應幫我地點火，個胡椒蟹肉湯唔知點解由頭到尾都冇見佢滾過，可能因為稠得滯，個味道好怪，好似罐頭蝦湯加少少麻辣咁，唔推薦。至於其他幾個湯，只可以話冇乜特別，尤其藥膳雞湯同肉骨茶湯個味道極度相似。
到食物方面，全部食物份量都好少，除咗個羊肉係正常份量之外，其他都好細碟。羊肉味道唔錯，花枝片亦都幾新鮮。除咗呢兩樣之外其他食物都麻麻地。黑松露餃完全冇黑松露味，入邊啲餡亦都冇乜味。即炸響鈴卷唔夠脆，仲有d淋添。炸枝竹唔知係佢比錯左我定點，完全見唔到有炸過嘅痕跡，係一碟軟枝竹，啲底仲有啲水，好似腐竹糖水嗰啲腐竹咁。手打墨魚丸完全食唔出有手打過，亦唔彈牙，個人認為譚仔個墨丸仲好食啲。走地雞脾肉有浸雪味。薯粉好淋，唔煙韌。以上幾種食物都頗差。
至於蟹柳，魚蛋，豆卜，烏冬就無乜特別，普普通通，不過不失。
埋單$1600，平均每人$400，試過之後呢間野比我嘅感覺係賣gimmick多過賣食物質素，性價比好低，個人認為呢個價錢有好多更好的選擇，如尖沙咀大x袍，銅鑼灣x神等等。
张贴
