牛八和牛燒肉屋 (已結業)

雖然以放題黎計佢哋嘅價錢比起出面每位平均貴幾十蚊，不過佢哋啲肉既質素的確比較好， 牛肉同豬肉都有好多唔同部位嘅選擇， 個人覺得牛舌最好食，分咗普通牛舌同厚切牛舌，厚切嘅真係好厚好多肉汁 ， 即使係普通牛舌都比出面一般既厚，又夠晒大塊，雞就主要得雞腿肉同雞翼，不過就有好多唔同嘅味道揀， 飲品就反而冇咩選擇，得三款俾你揀， 甜品得兩款一款係正雪糕一款係雪糕家窩夫，窩夫加雪糕幾好食，坦白講食物質素係唔錯嘅，不過服務質素就一般啦， 好明顯人手唔夠，所以每次要舉一段時間手先有人睇到我哋想落單， 不過都明白飲食業而家比較難請人，雖然人手唔夠，唔夠人清枱同service客人，但係佢哋見到我哋舉手都會即刻行埋嚟，不過出嘅食物數量係我地最唔滿意既地方，因為份量係求其出，有啲寫咗但係唔嚟，有啲寫數量好少但係落枱就多左好多，有啲數量寫好多但係最後就嚟得嗰一兩片