影片
更多
2017-06-21
87 浏览
無意中發現商場入面開咗火鍋店, 新張期內汽水啤酒任飲, 近近地就同老公去試下啦!book咗8點鐘, 去到門口已經聽到入面好熱鬧, 有幾枱都係老闆嘅朋友。等咗1分鐘左右就被帶到近廚房嘅枱。一坐底就揀左湯底先, 我地揀嘅係麻油醉雞鍋, 之後就慢慢點其他嘢, 最後叫左炸響鈴, 手打芝心丸, 安格斯牛, 同蔬菜三拼。等咗10分鐘第一樣嚟嘅野竟然係響鈴同牛, 個湯底搞咗成半個鐘先有, 見到隔離枱都有咁嘅情況, 我諗係因為試業中, 安排仲係好亂。到個鍋終於黎左, 先發現鼓油同配料都未有, 要問先拎比你, 真係好甩漏。菜藍黎到, 我要西洋菜佢又比咗生菜我...話換返, 又等咗15分鐘。食物質數方面如下：- 響鈴係即炸, 好脆, 好味- 牛肉, 冇乜驚喜, 不過不失- 菜, 新鮮同乾淨- 芝心丸, 蝦肉夠彈牙, 不過我想試墨魚多D, 以為係墨魚滑包芝士飲咗一支青島同兩權可樂~~ 新開張唔駛錢!最後埋單又搞錯, 有4樣野係我地冇叫嘅, 好彩老闆都識做即刻改返同埋比九折我地。其實SERVICE係好好, 不過只係好甩漏有D亂, 下次我要試麻辣湯, 希望到時佢地唔會再係咁亂啦!!
book咗8點鐘, 去到門口已經聽到入面好熱鬧, 有幾枱都係老闆嘅朋友。等咗1分鐘左右就被帶到近廚房嘅枱。
一坐底就揀左湯底先, 我地揀嘅係麻油醉雞鍋, 之後就慢慢點其他嘢, 最後叫左炸響鈴, 手打芝心丸, 安格斯牛, 同蔬菜三拼。等咗10分鐘第一樣嚟嘅野竟然係響鈴同牛, 個湯底搞咗成半個鐘先有, 見到隔離枱都有咁嘅情況, 我諗係因為試業中, 安排仲係好亂。
到個鍋終於黎左, 先發現鼓油同配料都未有, 要問先拎比你, 真係好甩漏。
菜藍黎到, 我要西洋菜佢又比咗生菜我...話換返, 又等咗15分鐘。
食物質數方面如下：
- 響鈴係即炸, 好脆, 好味
- 牛肉, 冇乜驚喜, 不過不失
- 菜, 新鮮同乾淨
- 芝心丸, 蝦肉夠彈牙, 不過我想試墨魚多D, 以為係墨魚滑包芝士
飲咗一支青島同兩權可樂~~ 新開張唔駛錢!
最後埋單又搞錯, 有4樣野係我地冇叫嘅, 好彩老闆都識做即刻改返同埋比九折我地。其實SERVICE係好好, 不過只係好甩漏有D亂, 下次我要試麻辣湯, 希望到時佢地唔會再係咁亂啦!!
张贴
