同信士多

营业中

休息中

今次假日去左大埔大尾篤燒嘢食！之前都淨係試過麥師傅，要自己用燒烤叉燒嗰種，所以今次試吓用串燒方式放上爐慢慢烤，系等啲食物熟嘅期間可以唔使拎住啲食物嘅情況下，同朋友仔傾吓計😙佢哋大部份嘅串燒都會有膠袋獨立包裝，感覺比較衛生啲，丸類就會係3粒為一串，分量少少哋可以使好多款！除咗丸、肉、菜之外，仲會有海鮮，例如有蝦、青口、魷魚、多春魚等等，令我最深刻嘅嘢食就係燒雞全翼，因為呢一款辣味雞全翼嘅味道食落真係好似譚仔咁，會有麻嘅感覺！真係第一次食，不過同場唔食得辣嘅朋友仔覺得佢好辣，自問食到辣野嘅人去到可以試下！值得一試🤩仲有燒豆腐卜都好正！燒完好脆，一定要食！因為佢係自助形式，所以如果你想食燒蒜蓉金菇嗰啲，就要自己用錫紙包、自己調味。呢間店舖喺馬路隔離，夜晚都好少車經過，望遠少少仲會有個人造海灘，感覺真係唔錯👍🏻👍🏻👍🏻