青花汾 (已結業)

日日經過開中環街市期待佢開張，今日終於叫外賣。決定叫醉雞麵加錢要刀削麵，加錢要餃子。外賣速度算快。但一交手就開始有驚喜，無分湯？諗住佢地有可能係對自己餐廳非常有信心，計好刀削麵外賣嘅口感，就算。返到公司打開碗麵，一夾啲麵係軟到溶斷開晒，再夾就不幸見到有毛髮喺麵上面。再撥開麵，見到兩粒餃子皮已經爛左。其實想點？個湯無味真係好難搞。到個醉雞，又係無味，肉無晒口感。最後最奇怪嘅係送嘅豆漿，極重塑膠味。點解咁樣都可以俾人食？