Catee (已結業)

呢問小店吾算容易搵，不過勝在好評如潮，所以今日都同朋友去幫襯下，環境正，服務都好有禮貌，一坐低落order就俾咗幾個餐包，吾係一般茶餐廳既白麵包，而係有幾款吾同既種類，配上橄欖油加黑醋，比起平時餐廳用牛油既黎講高級好多，而且味道都好特別唔差！之後就到餐湯同沙律，無諗過配既餐湯同沙律一點都吾馬虎，尤奇個沙律，有好多吾同既材料，吾會單調，而且好有口感，值得一提！另外，我地仲叫左個小食拼盤，份量吾係講少，有齊薯條，炸洋蔥圈，炸雞翼同炸芝士，而我最欣賞係佢既雞翼，事前因爲已經切半去炸，所以食得好方便而且入味，而炸芝士邪惡得黎吾會好膩，整個拼盤真心吾錯，多人share都夠！主食方面個德國脆皮豬手真心推薦，吾會好靱，一切就切到，而且豬皮勁脆，而皮下脂肪剛好整到入口既溶哂，真心正，對我呢d吾係超級好肉既人黎講都不得不食！另外個黑松露野菌意大利粉，個汁做得好濃郁同夠菌味，朋友好鐘意食呢意粉，話真心高水準！跟餐仲包甜品同飲品，真係好飽好滿足，而個甜品係斑蘭蛋糕，都幾特別。好建議大家加$50跟餐，咁就有齊餐湯，沙律，甜品同飲品，價錢分量都相當吾錯！