角落咖啡廳 (已易手) 新餐厅

平日晚飯，我哋7:19分落單叫咗兩碟主菜，等到7:44分（25分鐘）仲未有野食，怕漏單，問個女侍應等咁耐係唔係正常，個女待應只係講咗句*正常*，然後頭也不回即刻走咗去。之後7:50分終於嚟第一個，我哋食完第一個，第二個都未嚟。去到8:05第二個仲未黎（已經超過45分鐘），我地頂唔順同佢講埋單。個男侍應佢仲要一句sorry都冇，覺得真係好正常咁等咗咁耐，水又冇杯，侍應態度惡劣食物都好普通，完全唔值呢個價錢我哋叫咗金箔蟹膏蟹肉意大利飯，5分鐘食完，淡而無味其實之前去過一次完全兩回事，依家真係好差一定唔會再去，如果大家想去都要諗清楚先