郎田日本料理 (已結業)

跟朋友去了這一個地方試，大致如下：刺身方面，選擇的確比較少，得果六、七種，仲要好多我個人都唔喜歡食，好似八爪魚、吞拿都係麻麻地，唔太滿意......手卷，只係叫左一次軟殼蟹，已經無叫第二次，因為果塊蟹，實在細得過份.....天婦羅，還可以，不過我試左南瓜、蕃薯，覺得硬左DD。串燒，不錯，喜歡雞軟骨、翠肉瓜，不過有一串冬菇好咸.......熱食，都幾好，其中三文魚頭腩同羊架、芝士年糕、金菇牛肉卷我最喜歡。雪糕有四種，曲奇、芝麻、綠茶同朱古力，當然唔係咩名牌子，但食飽有都幾好味的雪糕，好滿足。飲品有各種汽水，仲有D蜜呀，薑茶咁。仲有好多壽司，同埋好多好似鍋物，拉麵，不過我已經食到好飽，無試到。仲有，有D網友話有焗三文魚腩同焗蠔，我都唔見......講真，刺身佢真係輸幾多下，我都在想，應該畀OK定畀笑臉，但因為以下幾個原因，決定畀笑：1.我們9點入坐，可以食到12點，有三個鐘，比起好多都只係2個鐘，我覺得舒服好多。2.服務幾好，執野好快，又唔算多漏單。3,食物種類算多，起碼我真係試唔哂。唔使$160一個人，我覺得OK。