富盈火鍋雞煲專門店 (已結業)

近排開始凍又係打邊爐食雞煲嘅好時候，今次專程去咗富盈火鍋雞煲打邊爐食雞煲同埋韓燒。入面地方寬敞，二人枱都超大張可以同時放韓燒爐同埋火鍋雞煲，枱同枱之間都好闊落。食物係自助形式自己任攞，而且款式多到數唔曬。首先先食雞，雞肉夠嫩滑而且味道夠惹味，有微辣食到停唔到口，之後就打邊爐。另一邊就繼續開始食韓燒。 肉類有牛肉、豬肉、羊肉、午餐肉等，海鮮有魚塊、魷魚、青口、蝦等等，亦都有各式各樣嘅丸類，例如牛丸、魚蛋、貢丸、龍蝦丸、墨魚丸等等。當然，蔬菜及水果區亦都有，唔同款式嘅菇類亦都有，熟食亦為大家準備。食咗個幾兩個鐘，又係好滿足嘅一夜。