韓牛韓式燒烤 (已結業)

旺角創興廣場1樓左手邊有間食韓燒嘅餐廳，見唔係好貴，今晚就決定入去試下！入面燒烤肉嘅款式種類好多，而且有出面比較少有嘅三文魚餃、骨、腩！沙律、壽司、熟食都有一個區域，刺身就係大眾化嘅三文魚刺身，食落肥美新鮮。韓式前菜都有好多選擇，麻油菠菜、白菜仔、炒菜心、西蘭花，鍾意食菜嘅朋友應該好滿足~~肉類有醃過同無醃過嘅，無醃過嘅燒完食落就無乜味，醃過嘅就惹味香啲，但又唔會好咸，味道啱啱好！食到一半，可以夾啲生果、大豆芽消消膩！見到仲有海蝦可以燒，即刻拎返幾隻黎燒，味道口感都唔差呢！之後又有炒蟹，但得75分鐘就真係唔係好夠時間食，燒完肉食埋都無時間食甜品了！