極尚大瀛喜日本料理

营业中

休息中

又係日式放題啦多人 聚會最啱就係揀放題 因為唔使就嚟就去嗰個人都啱食 今日小學同學聚會就嚟到元朗新開嘅呢間極尚大瀛喜 聽呢個名就知道係幾咁受歡迎 以前尖沙咀店閒閒哋要排幾粒鐘先食到 依家元朗店排隊當然唔使咁瘋狂就食到 閒日五點半去到人數唔太多 但係食食下已經全場爆滿 可想然之受歡迎程度幾誇張紙仔有成十張 嘢食款式多 不過個人覺得唔太環保不過枱櫈十分狹窄 坐得唔太舒服 好在食物質素搭救放題梗係要嗌魚生刺身呀 三文魚 油甘魚 劍魚腩 帶子呢啲必叫嘅食物都十分新鮮 而且厚切 口感一流 夠曬鮮甜 仲要係無限追加 超興奮 特別之處係有頭大甜蝦超巨型 有成五吋長 肉質非常鮮甜 直頭喺口度溶化海膽手捲都好正 細細嚿唔會好飽 海膽夠鮮橙色 好鮮甜壽司都係唔錯嘅選擇 壽司飯超迷微型 只有手指公頭咁大 食多幾件都唔怕好飽 花之戀壽司沙律醬勁多 夠曬滿足 黑松露醬帶子壽司都好足料熟食都係強項之一 燒羊架夠曬多汁肉嫩 而且唔太蘇 火候控制得啱啱好 西京燒鱈魚魚肉夠厚身 一咬落去魚油爆炸出嚟 好正餐廳仲有雪糕雪條任食 同埋自助軟雪糕機 有得玩有得食