溢溢掂 香港味道 (已結業)

最愛車仔麵嘅我，竟然發現係利源東街附近巷仔入面中間位，有一間車仔麵，所以特登黎一試。食晏時間前十一點半嚟唔洗排隊，外賣拎返office食。店細細但食物種類款式多，價錢合理。叫咗粗麵，紅腸、大腸，冬菇。多料，冬菇同大腸好入味，好味！！紅腸同麵軟硬適中。店員仲好好服務幫我湯同麵分開裝。呢度仲有我至愛嘅碗仔翅，真係好足料，木耳肉絲冬菇，全部大條鮮味，唔會有煲得耐爛晒感覺，真心讚。最後嚟支清熱飲品，杞子六花茶。