影片
更多
2015-07-13
9390 浏览
因為剛好有全港最大間銀行嘅信用卡半價優惠，所以特地去試一試....點知.....如題 。為此喺度開個戶口提醒大家，以免失望.... 信用卡優惠需8PM後入座，自助餐完結時間為10:30PM，好似都有2個半鐘食嘢，諗住唔駛趕啦~ 原來真係唔駛趕，都無嘢好攞。8PM入座，行出buffet檯，仲有以下呢啲﹕ (一定要寫有關食物的味道或賣相等的描述喎.....唔係唔批囉!!)海鮮區﹕仲有開邊龍蝦3隻﹑龍蝦仔﹑琵琶蝦﹑麵包蟹﹑青口等等... (呢度訂檯時已經知道無生蠔)。之後開邊龍蝦就無再出現過(有膏，肉質彈牙)，麵包蟹就加過一次(有膏但無乜肉又"梅梅"地)，而其他海鮮類亦無加 (無乜人攞而唔駛加~~)。BBQ﹕有燒雞翼﹑排骨﹑羊架等，但行配給制，每次只俾一件(尤其係羊架)，或者未燒好.... (攞咗一件羊架，細件得嚟"鞋"身，好一般唔想再攞。)冷盤﹕ 泡菜﹑蘿蔔泡菜﹑醺蹄﹑(吸引到呢....攞都唔想攞); 另外有兩款細細碟嘅肉包菜(塊肉咸咸地，包住塊白色嘅泡菜，食咗都唔知係咩，總之好難食:yuk 等... 魚生及壽司﹕ 吞拿魚魚生﹑三文魚魚生﹑吞拿魚壽司﹑三文魚壽司﹑腐皮壽司﹑黃瓜卷﹑
為此喺度開個戶口提醒大家，以免失望....
信用卡優惠需8PM後入座，自助餐完結時間為10:30PM，好似都有2個半鐘食嘢，諗住唔駛趕啦~ 原來真係唔駛趕，都無嘢好攞。
8PM入座，行出buffet檯，仲有以下呢啲﹕ (一定要寫有關食物的味道或賣相等的描述喎.....唔係唔批囉!!)
海鮮區﹕仲有開邊龍蝦3隻﹑龍蝦仔﹑琵琶蝦﹑麵包蟹﹑青口等等... (呢度訂檯時已經知道無生蠔)。之後開邊龍蝦就無再出現過(有膏，肉質彈牙)，麵包蟹就加過一次(有膏但無乜肉又"梅梅"地)，而其他海鮮類亦無加 (無乜人攞而唔駛加~~)。
BBQ﹕有燒雞翼﹑排骨﹑羊架等，但行配給制，每次只俾一件(尤其係羊架)，或者未燒好.... (攞咗一件羊架，細件得嚟"鞋"身，好一般唔想再攞。)
冷盤﹕ 泡菜﹑蘿蔔泡菜﹑醺蹄﹑(吸引到呢....攞都唔想攞); 另外有兩款細細碟嘅肉包菜(塊肉咸咸地，包住塊白色嘅泡菜，食咗都唔知係咩，總之好難食:yuk 等...
魚生及壽司﹕ 吞拿魚魚生﹑三文魚魚生﹑吞拿魚壽司﹑三文魚壽司﹑腐皮壽司﹑黃瓜卷﹑加洲卷等 (好一般，吞拿魚有筋，三文魚唔肥，腐皮壽司最好味!!)
沙律區﹕ 凱撒沙律﹑長通粉沙律﹑青蘋果沙律等 (凱撒沙律啲菜唔係好新鮮，撈埋汁就還可以啦~)
熱盤﹕ 比海鮮及冷盤多，有燒牛肉﹑燒羊腿﹑紅酒燴牛肉﹑蒸魚等 (燒牛肉&羊肉都"鞋"唔夠肉汁，紅酒燴牛肉)
甜品﹕雪糕得兩個味(朱古力，青檸雪葩)﹑拿破崙蛋糕﹑tiramisu﹑蛋白球﹑芝士蛋糕﹑豆腐花﹑梳乎厘等，但8:30PM雪糕只剩朱古力味，而拿破崙蛋糕都無埋。(無咩好揀下，食咗蛋白球但太甜，梳乎厘未冧都係得半杯，返到檯面得番層皮.... )
寫咗以上咁多，你話好少食物種類咩，又未算..... 但無諗過喺呢啲5星酒店嘅buffet出現(4星都不如...)
餐廳似乎因為半價而要降低成本，貴些少嘅食物就要配給或唔再加。剩番啲咩，就等你清埋佢。最後9:45PM都走剩10檯客都無，侍應們都開始番緊檯...
雖然半價後係HK$344.80一位，但真心覺得唔值。差不多價錢嘅buffet而又好過佢嘅，大有酒店在喇﹗其實hea到咁，真係唔好勉強開到10:30PM，又要搞個半價，搞到間餐廳仲cheap晒囉~~
张贴