影片
更多
2022-01-09
1702 浏览
行咗過嚟沙田廣場呢邊，見到有大喜屋任食放題， 十分吸引！舖頭入邊超級大，侍應帶咗我行入去一個比較入嘅位置。有一張六人枱，中間有一個隔板，我一個人坐咗一半嘅位置，所以坐得好舒服。用QR code手機落單，嘢食非常之多，而且出面仲有好多嘢食同埋飲品揀。有沙律吧，有我最鍾意食嘅中華沙律，帶子裙邊等等; 而且飲品有幾十款揀，超級超級多，有一啲熱飲嘅櫃都可以俾你選擇, 好貼心。除此之外，仲有一啲鮮榨果汁，飲品真係十分之多！而且仲有幾款熟食，亦都有一啲炸物，仲有一個Candy BAR嘅位置，小朋友一定好開心。我最開心就係見到甜品櫃，有十幾款嘅甜品, 而且仲有雪糕食!刺身我嗌左幾款，每樣一兩片試吓，因為一個人食唔到咁多，刺身整體都唔錯，幾鮮甜！我自己就特別喜愛帶子，夠滑！比目魚西京燒，果皮燒得好脆，比目魚本身都幾鮮甜，唔洗點沙律醬都幾好食，呢個我再encore咗第二件！蝦壽司，壽司個size唔大， 一口可以食得晒，呢個做得好好，可以俾人有更多空間去試其他嘢，嗰蝦都幾爽身！榴槤炸彈, 炸得好脆好好食，一咬開就聞到好香嘅榴槤味，榴槤肉好多，呢個好好食！牛舌味道夠香，最重要係唔腥, 不過就需要多少少牙力去
舖頭入邊超級大，侍應帶咗我行入去一個比較入嘅位置。有一張六人枱，中間有一個隔板，我一個人坐咗一半嘅位置，所以坐得好舒服。
用QR code手機落單，嘢食非常之多，而且出面仲有好多嘢食同埋飲品揀。
有沙律吧，有我最鍾意食嘅中華沙律，帶子裙邊等等; 而且飲品有幾十款揀，超級超級多，有一啲熱飲嘅櫃都可以俾你選擇, 好貼心。除此之外，仲有一啲鮮榨果汁，飲品真係十分之多！
而且仲有幾款熟食，亦都有一啲炸物，仲有一個Candy BAR嘅位置，小朋友一定好開心。我最開心就係見到甜品櫃，有十幾款嘅甜品, 而且仲有雪糕食!
刺身我嗌左幾款，每樣一兩片試吓，因為一個人食唔到咁多，刺身整體都唔錯，幾鮮甜！我自己就特別喜愛帶子，夠滑！
比目魚西京燒，果皮燒得好脆，比目魚本身都幾鮮甜，唔洗點沙律醬都幾好食，呢個我再encore咗第二件！
蝦壽司，壽司個size唔大， 一口可以食得晒，呢個做得好好，可以俾人有更多空間去試其他嘢，嗰蝦都幾爽身！
榴槤炸彈, 炸得好脆好好食，一咬開就聞到好香嘅榴槤味，榴槤肉好多，呢個好好食！
牛舌味道夠香，最重要係唔腥, 不過就需要多少少牙力去咬, 哈哈 ！
炸蝦天婦羅，蝦新鮮，幾大隻，食落去好爽身，不過個炸粉可以薄啲就更好
炸牛奶，一咬就淡淡牛奶嘅香味，好食!
紫心香芋丸，芋頭蓉好多，芋頭味好香!
芝麻雞翼，表皮揸得好靚，金黃色，食落好好新鮮夠熱，脆口，味道都岩岩好
雞軟骨串，味道都幾好, 比較爽身硬身
食到呢度已經覺得好飽，不過都留咗少少位置食甜品。見到有一個牛乳樣貌嘅牛奶布甸，好吸引，食落去真係好滑口，亦都有牛奶嘅香味！
仲有大牌子嘅豆腐花同埋菠蘿乳酪，佢每個份量細細地，一個人食啱啱好可以有其他空間再試吓其他嘢！
呢個價錢可以食到咁多唔同種類嘅東西，真係十分十分之滿足，而且食物嘅味道都幾好，就算一個人自己食都覺得滿足！
张贴
