Running 燒 (已結業)

突然好想食燒肉所以揀咗呢間位於旺角燒肉店 呢間燒肉店落車定價合理，二百零蚊，係openrice訂位有七折。寫食評嘅原因係因為佢有好多種類嘅食物，有沙律、雞、牛、豬、海鮮、蔬菜、面、飯、甜品、飲品，有煮好嘅、有等你自己燒嘅。仲要所有野都係任叫，食肉獸，海鮮怪同素食者都照顧到。一大班人黎就唔驚有d人唔岩食!講返食物先，我大部分肉都有叫， 其實唔係好知咩肉打咩肉。 最深刻印象係 一種雪花分佈得好平均嘅牛肉。好優質， 估唔到放題燒肉都有呢種質素嘅牛肉。另外佢嘅肉類比我個感覺係醃料唔多，佢相信自己嘅肉質優質，所以先唔使靠大量嘅醃料😙😙我仲order左生菜，包住啲五花腩或者薄燒豬食，正!我喺飲品櫃度拎咗支竹蔗茅根飲，唔會過甜，可能係低糖version，好味!