幸福城茶餐廳 (已結業)

今日同朋友行到攰是但入左幸福城茶餐廳食飯，入先見到唔少舊負評。不過試完之後，覺得佢其實唔差，無啲人講到咁誇張，都幾好食，特別係嗰種平時諗唔到食咩、想隨便搵間店醫肚嘅時候，呢度真係一個唔錯嘅選擇。而家好少見餐廳餐牌有咁多嘢揀，叫咗乾炒牛河，茄汁焗豬扒飯，沙嗲粉絲煲，食物中規中矩，都算係穩陣之選，啱晒臨時醫肚，可以再食。佢個場都幾大，坐位都算闊落舒服。侍應態度同速度正常，問佢啲嘢都有回應，食物算快到。好多人圍住個兩部電視喺度睇跑馬，個畫面都幾搞笑。